Познатиот невропсихијатар Методи Чепреганов во отвореното студио на ТВ 24 рече дека во моментот оваа одлука за карантин во општините кои се сметаат за жариште, и големиот број на нпвозаразени пациенти од Ковид-19 се всушност дело на оние 20 отсто кои не се придржувале до мерките.

Тие 20 проценти не ги почитуваат мерките поради менталниот склоп. Ние сме жртви на тие 20 проценти кои се однесуваат неодговорно и го загрозуваат сопственото и туѓото здравје. Суетата и инаетот со себе носат експресија кон надвор и сејат завист, љубомора и злоба, а со такви луѓе не може да се разговара – рече Чепреганов.

Проф. д-р Методи Чепреганов е Специјалист по невропсихијатрија и епилептологија. Објавил над 260 научни трудови и 130 монографии од областа на Неврологијата и епилептологијата .