Премиерот и претседател на СДСМ, Заев денеска одговори на повикот од претседателот на ВМРО – ДПМНЕ Мицкоски, за ТВ дуел.

Заев истакна дека ќе прифати дуел откако Мицкоски ќе каже јасен став дека е против бојкот на референдумот за името на 30-ти септември.

“Подготвен сум да прифатам дебата со господинот Мицкоски кога тој јасно и јавно ќе каже дека е против бојкотирањето. Штом тоа ќе го каже, веднаш ќе ја прифатиме дебатата. Ваквите ставови дефинитивно ја ставаат во заблуда иднината на Македонија”, изјави Заев.

Заев на прес конференцијата со косовскиот претседател Хашим Тачи, одговорајќи на новинарско прашање како ги коментира поканата од лидерот на ВМРО – ДПМНЕ Христијан Мицкоски за ТВ дуел и неговиот став секој да гласа по сопствено убедување на претстојниот референдум.

Според него, иднината на Македонија заслужува секогаш да се разговара за тоа прашање и од тој аспект бојкотирањето на иднината на Македонија не претставува никаков основ да се седне да се разговара.

Мицкоски го повика Заев на ТВ дуел за референдумот и за Договорот од Преспа за време на синоќешната прес-конференција на кој што го соопшти партискиот став за референдумот.