По втор пат Вардар покажа како се пишува историја. Македонскиот ракометен првак Вардар повторно ја освои Европа и по вторпат во својата клупска историја го освои трофејот од најелитното ракометно натпреварување на ЕХФ, Лигата на шампионите.

Денеска вардарци ја славеа победата над унгарскиот тим на Веспрем со 27-24, а навивачите горди скандираа во еден глас за шампионот Вардар.

Но она што особено остави впечаток е дека капитенот на Вардар, Стојанче Стоилов, не го признава новото име на државата. Тој на официјалната прес-конференција покрај тоа што даде изјава за денешниот меч се обрати и до портпаролот на ЕФМ.

Откако македонскиот клуб Вардар беше претставен како шампион на Северна Македонија, капитенот Стоилов реагираше и рече:

„Да потенцирам, мојата држава е РЕПУБЛИКА МАКЕДОНИЈА“.

Инаку, Стоилов го исполни ветувањето и дозволи Игор Карачиќ да го подигне историскиот трофеј. 

Извор: Гол.МК