Специјалната обвинителка Ленче Ристоска е избрана за прв обвинител за врски со Македонија во Единицата за судска соработка на ЕУ, Еуроџаст (Eurojust). Во текот на вчерашниот ден Еуроџаст ја информира на јавноста дека заклучно од 12 ноември таа е дел од нивниот тим.

Во нивното соопштение се наведува дека „нејзиното назначување е важен придонес во засилувањето на врските меѓу ЕУ и Западниот Балкан во областа на кривичното право“.
Обвинителот за врски работи со судовите од земјите-членки на ЕУ и треба да ги олесни истрагите за сериозен прекуграничен организиран криминал. „Договорите за соработка, кои ја откочија можноста за сигурна и ефикасна размена на судски информации и споделување на докази, беа потпишани со Албанија, Црна Гора и со ПЈРМ“, се наведува во соопштението.

Уштe pred 10 години Еуроџаст има посилна рамка за структурна судска соработка во борбата против сериозниот прекуграничен криминал меѓу земјите-членки на ЕУ и земјите од Западниот Балкан. 
Во изминатите 10 години, обвинителите од различни земји од ЕУ и од Македонија заеднички работеле и соработувале за поголем број случаи, за проневера, шверц на дрога, измама исто така и шверц на мигранти.
Ристоска од 2015 година работеше како дел од тимот во СЈО и стана многу препознатлива во јавноста како портпарол на ова обвинителство кое е активно и до ден денес. Ленче Ристоска е родена во Лешок а моментално живее и работи во Скопје.