Јохан Тарчуловски на својот фејсбук профил изрази благодарност до претседателот на ВМРО-ДПМНЕ за донацијата на лустери за црквата св. Никола во Љубанци. 

Огромна благодарност до претс.на ВМРО ДПМНЕ 
Христијан Мицкоски за донацијата од лустери кој се извадени од централниот штаб а кој беа означени како луксуз. Затоа се подаруваат по македонските цркви и манастири. Црквата св Никола с.Љубанци ќе ви е вечно благодарна. 

Инаку ВМРО-ДПМНЕ  не може да ja продава и да ja  издава Белата палата, во која се наоѓа партиско седиште, одлучил Основниот суд Скопје 1 во рамките на процесот Талир.

„Му се забранува на правното лице ВМРО – ДЕМОКРАТСКА ПАРТИЈА ЗА МАКЕДОНСКО НАЦИОНАЛНО ЕДИНСТВО да го отуѓува, става под хипотека и располага со давање под закуп недвижниот имот“, стои во прибелешката на имотниот лист во Катастарот.

Барањето доаѓа од предметот „Талир“, истрага која СЈО ја води против 14 осомничени паритски функционери за незаконито финансирање на ВМРО-ДПМНЕ.

Во барањето до основниот суд Скопје 1 за замрзнување на имотот како причина беше наведено тоа што претседателот на партијата Христијан Мицковски во медиумите најавил дека ја разгледуваат можноста за продажба или давање под закуп на седиштето на партијата. 

Инаку целокупниот замрзнат имот на партијата ВМРО-ДПМНЕ се проценува на 15 милиони евра.