Поранешниот шеф на УБК, Сашо Мијалков вчера го прослави 54 роденден.

Неговата сопруга, балерината Сандра Мијалкова на социјалните мрежи сподели заедничка фотографија, каде што го заљубени прославуваат роденденот во еден познат скопски ресторан.

На фотографијата Сандра напиша “Birthday boy” и стави срце во знак за љубов кон својот сопруг.

Нејзината љубовна приказна со Сашо Мијалков, поранешен шеф на УБК, започнала пред 27 години во популарното кафуле во тоа време „Рома“ во Мавровка, пишуваше Репортер.

Вели дека тука првпат се виделе.

„Нам кафулето ни беше карши театарот и многу често одевме таму после пробите, а и таму имаше добро италијанско кафе, како ретко каде во градот. Таму најчесто се гледавме и се засвиѓавме. Тој имаше уште тогаш бизнис во Прага, Чешка а воедно и студираше, па ќе се случеше еден месец да го нема во кафулето, а јас го чекав да дојде. Подоцна започнавме врска, а по две години, се зедовме кога се роди и синот Јордан“, раскажува Мијалкова за тоа кога почнала љубовта со осум години постариот сопруг.

На шега вели дека морало да го почека да дипломира, па да ја направат свадбата, која била во тогашниот хотел „Грант“, денешен „Холидеј ин“.

„Тоа беше навистина весела свадба. Многу се играше, особено што имаше многу балерини, па некако навистина беше многу весело“, раскажува примабалерината.

„Сашо има посебен однос кон уметноста и балетот. Да не е тој, немаше ни да бидам успешна. Секогаш ме подржувал во сѐ“. И синовите го сакаат балетот како уметност, ни откри Мијалкова.