Денеска во дворот на Владата пред споменикот на Ослободителите на Скопје, ќе биде одбележан 9-ти Мај – Ден на победа над фашизмот и Ден на Европа.
За денеска се најавени се обраќања на претседателот на Владата, Зоран Заев, претседателот на главниот одбор на Сојузот на борците од НОБ, Никола Стојаноски и потпретседателот на главниот одбор на Сојузот на борците од НОБ, Борко Зафировски.
Македонија ќе го одбележи денот со дефиле на единиците на АРМ во касарната Илинден, панел дискусија и свечена академија во МНТ.
Централната манифестација во светот по повод победата над фашизмот ќе се одвива во Москва каде на Црвениот плоштад ќе прошетаат припадници на руската армија и ветерани од Втората светска војна.Поминаа 72 години од историската победа над фашистичка Германија.
Втората светска војна, најкрвавата војна на човештвото, избувна откако Нацистичка Германија изврши инвазија врз Полска на 1 септември, 1939 година.
На 22 јуни 1941 година, Германија го нападна Советскиот Сојуз. Војната заврши на 9 мај, 1945 година. Безусловна капитулација на Третиот Рајх била потпишана во разрушениот Берлин, неколку минути по полноќ.
Капитулацијата била потпишана од фелдмаршалот Вилхелм Кајтел, генералот Ханс Јирген Штумпф и адмиралот Ханс Георг фон Фридебург. Од страна на сојузниците договорот го потпишаа рускиот маршал Георги Жуков и британскиот генерал Артур Тедер.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.