По бурните реакции по објавената снимка Бујар Османи вели дека не ги надминал ингеренциите и најави нов увид и овој пат во Тетово.

Османи  изјави дека  не излегол надвор од своите ингеренции. Ако треба повторно  истото ќе го сторел .Ќе одел и до Тетото за да провери дали на денот на ослободувањето на градот ќе се вее државното знаме. Тој тврди дека македонското не е острането од седиштето на ДУИ.

Исто така откако беше објавено видеото на кое вице-премиерот задолжен за европски прашања, Бујар Османи, кој проверува дали таблите на сите државни институции се двојазични, тој заработи казна од МВР за зборување на телефон додека вози.

МВР против Б.О. поднесе прекршочна пријава поради кршење на Законот за патен сообраќај. Како што се гледа на видеото, објавено од Османи, на својот профил на Фејсбук, тој додека управува со автомобилот разговара на телефон и минува преку полна линија.

МВР му изрече соодветна казна на Б.О. за сторен сообраќаен прекршок по законот за безбедност во сообраќајот.

Користење на телефон

Возачот на моторно возило, за време на управувањето со возилото не смее да користи мобилен телефон, ниту други уреди на начин кој би ја намалил можноста за реагирање и сигурно управување со моторното возило. По исклучок, мобилен телефон и други уреди можат да се користат за време на управување со моторно возило, ако притоа се употребува направа која овозможува нивно користење без употреба на раце. Во спротивно предвидена е глоба во износ од 45 евра во денарска противвредност , односно ќе му се регистрираат 25 негативни бода.