Стигна и првата пратка на вакцини преку Ковакс механизмот и со овие 24.000 дози е предвидено да стартува масовната имунизација кај нас, започнувајќи од среда.

На аеродромот во Скопје денеска пристигнаа 24.000 дози вакцини на производителот „Астра Зенека“ преку Ковакс механизмот. Со нив вакцинацијата треба да започне в среда во вакциналните пунктови во здравствените домови.

Благодарност до сите земји во светот кој го поддржаа овој систем, посебно на пријателските земји САД, Германија, Велика Британија, Франција и земјите од ЕУ како и на СЗО, УНИЦЕФ и ОН со чија помош го организиравме транспортот до нашата земја, изјави министерот Филипче!

Системот за имунизација е подготвен и сега нашиот фокус е да имунизацијата се спроведува во континуитет во текот на месеците кои следуваат, започнувајќи со Астра Зенека, а продолжувајќи со најавата за другите вакцини кои сме во очекување да ги добиеме многу скоро, рече тој!