„Владата предводена од СДСМ посветено работи на остварување, да се обезбедат квалитетни и достојни услови за развој на децата.

Се решава проблемот со недостиг за згрижување деца и се инвестира во изградба на нови детски градинки. Од почетокот на мандатот па до сега, изградени се 24 детски градинки. Од нив отворени се 13, а во фаза пред отворање се 11 детски градинки.

Зголемената потреба од кадар за новите и веќе постоечките установи, Министерството за труд и социјална политика обезбеди финансиска согласност за вработување на над 1.000 лица од кои поголемиот дел се на неопределено време.Освен што се зајакнува кадарот, покачени се и платите во детска заштита. Сите 4.300 вработени, со септемвриската плата добија покачување од 5 отсто, а покачувањето на платите ќе продолжи и во 2019 година.

Во периодот кој следува продолжуваат интензивните активности за натамошно проширување на мрежата на установи за згрижување и воспитание на деца од предучилишна возраст, пред сè преку зголемување на инвестициите наменети за реконструкција, адаптација и изградба на нови установи за деца.

Обезбедувањето на квалитетни услови за раст и развој на децата, надминување на проблемот со места за згрижување и унапредување на условите за работа на негувателките и воспитувачките се врвни приоритети на Владата предводена од СДСМ која останува фокусирана на потребите на граѓаните“ додаваат од партијата.