Владиката Димитрије ги повика верниците од захумско- херцеговинската  епархија да не присуствуваат на богослужби поради ширење на вирусот корона ако се хронични болни или имаат симптоми на настинка и грип.Тој рече дека доколку сакаат да добијат Света Причест можат да се јават кај свештеникот кој ќе ги причести во нивниот дом.

Владиката препорача свештениците кои имаат какви било симптоми како треска, кашлање, болки во грлото, омалаксаност, кивање, останување без здив и слично, да не доаѓаат на богослужба.

Тој, исто така, ги советува свештениците да ги благословуваат верниците вербално и да ги благословуваат со крстен знак без физички контакт.

На верниците им препорачува да не ја бакнуваат раката на свештеникот и да го минимизираат физичкиот контакт со другите верници.

Тој препорачува верниците да не покажуваат почит кон светите икони со бакнување на истите, туку со мал поклон пред нив.

По завршувањето на Светата литургија, верниците треба да ја земат нафората од рацете на свештеникот без да ја бакнат неговата рака.

Владиката апелира до верниците и да ги почитуваат упатствата на Светската здравствена организација, надлежните медицински институции и нивните матични лекари.

Тој рече дека како одговорни луѓе треба да веруваме во Христа, со грижа и љубов кон нашите сограѓани, особено на оние кои се најранливи на здравствените проблеми што ги предизвикува овој вирус, но и на оние кои се најмногу изложени на ризик од заразување со вирусот.

„Она што треба да нè мотивира да бидеме претпазливи не е грижа само за сопствениот живот што ни го дал Бог, туку и одговорност за благосостојбата на нашите сограѓани“, рече епископот.