Шабан Шаулиќ рано изутринава настрада во тешка сообраќајна несреќа во Германија, откако претходната ноќ имал настап.
Несреќата се случила во градот Билефелд, кој се наоѓа северозападно од Германија, а Шаулиќ претходната ноќ имал настап и бил тргнат на аеродром. Но за жал, не успеа да се врати дома.
Менаџерот кој синоќа го организирал настапот на Шабан Шаулиќ во Германија, Богдан Марката, се огласил и открил што навистина се случувало во болницата. Тој рече дека лекарите пробале да го вратат во живот, но не успеале. Смртта се случила во болницата, а Шаулиќ како што изјави менаџерот починал од срцев удар.
“Пробаа да го вратат во живот, но не успееја. Смртта се случи во болницата и тој умре од срцев удар. Срцето го напушти. Јас сум во контакт со неговата фамилија од Хамбург и сите сме тука. Беше секогаш расположен, но немаше никакви знаци дека такво нешто можеше да се случи. Тажно, но таква е судбината рече тој за Премиера викенд специјал.”
Шабан Шаулиќ беше сопственик на многубројни хитови и беше еден од најпопуларните пејачи во цела бивша Југославија. Тој утринава настрада во тешка сообраќајна несреќа на 67 годишна возраст.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.