Арпад Штербик, голманот на Вестпрем кој вчера со тешко срце ги одбрани топките упатени кон неговиот гол од поранешните колеги од Вардар, по победата на македонскиот ракометен клуб изјави дека знае зошто Вардар и воој пат ја однесе титулата европски шампион.

Инаку Арпад Штербик, пред две години играше во Вардар и заедно со ракометарите го подигна европскиот трофеј, но вчера се бореше за истиот трофеј, но овој пат во дресот на Вестпрем.

Штербик беше повреден и беше неизвесно дали воопшто ќе се појави на вчерашниот натпревар, но сепак застана на голот на стартот на второто полувреме.  

Инаку Вардар вчера го совлада Вестпрем и по втор пат ја доби титулата европски ракометен шампион. Екипата на Роберто Гарсија Парондо забележа победа во финалето на „Ф4“ во Келн против Веспрем со 27:24 (16:11).

Но Арпад Штербик ја честиташе победата на своите поранешни колеги од Вардар, и објасни зошто повторно титулата отиде во раце на македонскиот шампион.

Финалето треба да ви биде како последен меч, така се освојува титула. Дел од нашите играчи не го увидоа тоа, шанса која можеби друг пат нема да дојде. Вардар играше неверојатно, порача Штербик.

Штербик изјави дека неговиот сегашен тим Веспрем лошо го стартувал натпреварот, а еден ваков финалист неможе да си дозволи лоша игра.

Немав фрактура, но не можев да одам сабајлето. Тетивата многу ме болеше и имав проблеми со движењето. Се обидов да направам се за да помогнам на тимот. Не го стартувавме добро натпреварот, еден финалист во Лигата на шампионите не смее да игра на таков начин. Примавме лесни голови, блокот не функционираше. Миклер беше фрлен во оган, беше многу тешко за него. Моравме да играме како да ни е последен меч, а не го направивме тоа. Навистина ми е жал, посебно поради Наѓ и Илиќ кои се пензионираат. Исто ми е жал и за други играчи, не сум сигурен дека повторно ќе се вратат тука во финалето – додал Штербик.