Васил  Огненовски, синот на Иван Огненовски е човекот кој го доби срцето на Емилија Динева, и на кој воедно му бее направена првата трансплатација на срце во земјава, на денешната прес конференција на министерот Венко Филипче, се појави пред медиумите и упати јавна благодарност до хуманото семејство на прерано починатата Динева.

Васил изрази сочувство до семејството на трагичнозагинатата Емилија Динева, со чии органи денеска беа спасени три животи.

-Пред се сакам да изразам големо сочувство до фамилијата на Емилија и едно големо благодарам, што со донирањето спасија три животи, од кои еден е оној на татко ми,- рече Васил.

-Пред два дена ни се јавија дека има срце, дека е најден донор и ќе биде извршена првата операција во нашата држава на срце од донор. Се случи, дојдовме, се направи операцијата и сега чекаме информации за понатамошниот процес.Докторите еднаш го спасија мојот родител, сега повторно го направија тоа. Големо благодарам до нив, затоа што во нашата држава имаме многу добри доктори и ќе спасат уште милиони жители. Ќе се запознаеме со фамилијата на Емилија, сакаме и татко ми да биде во состојба да се запознаеме со нив и да изразиме сочувство. Да знаат дека срцето на Емилија се уште чука, истакна Васил.

Денеска се огласи и министерот за здравство Венко Филипче, кој посочи дека благодарение на семејството на Емилија, кое реши да ги донира нејзините органи, денеска беа спасени три животи.

Ден полн со емоции за сите. За семејството Диневи кое пред неколку дена ја загуби својата сакана мајка и сопруга, Емилија Динева, за семејството Огненовски чиј татко и сопруг доби втора шанса.
Откако на Емилија Динева и беше дијагностицирана мозочната смрт, нејзините најблиски одлучија да ги донираат нејзиното срце и бубрези. Сега срцето на Емилија Динева чука во градите на Иван Огненовски, а нејзините бубрези спасија живот на двајца пациенти кои со години беа на дијализа. Ден полн со емоции и за мене како човек, како хирург и на крајот како министер за здравство. Ова е историски ден за сите нас и за нашето здравство.
Благодарение на тројцата врвни каридохирурзи Проф. д-р Сашко Јовев од Државна Кардиохирургија, д-р Жан Митрев од клиниката “Жан Митрев”, Проф. д-р Александар Николиќ од клиниката “Аџибадем Систина” и д-р Маја Мојсова Мијовска од КАРИЛ направена е правата успешна трансплантација на срце во нашата земја.
Бескрајно сум благодарен и горд на моите колеги за нивниот успех, на семејството на Емилија за нивната големина, човечност и хуманост и на семејството Огненовски на довербата кон македонското здравство и нашите лекари, напиша Министерот Филипче!