Во услови со ковид-19, како Влада продолжуваме да ги преземаме сите мерки за заштита на работниците и нивните работни места. Од самиот старт на функцијата министер за здравство, заеднички со гранковиот синдикат за здравство низ дебата и разговори ги носиме одлуките, изјави министерот за здравство Венко Филипче!
Заеднички направивме најголемо покачување на платите на здравствените работници кое досега се случило во државата. Вложувањето во здравствените работници е инвестиција.
Продолжуваме да го унапредуваме здравството, тврди министерот!
Се стремиме кон иста цел – повисоки плати, нов Закон за работни односи, заштитата на работниците и нивните работни места, како и унапредување на првата на работниците.
Комисијата за заразни болести донесе предлог одлука хронично болните лица да се вратат на работа, освен за оние лица кои имаат извештај од специјалист за влошување на болеста. За работничките кои се на продолжено породилно отсуство, отсуството ќе им трае до 31.12.2020 година.
Продолжува и ослободувањето на бремените жени од работа. За родителите со деца до 10 години, ќе се одлучува на следниот состанок на Комисијата. Предлог одлуката ќе биде доставена до Владата.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.