Главната расправа за предметот со КОК бр.28/22 од обвинителството означен како „Титаник 1″ насрочена за денеска од 12:00 часот се презакажува за 09.05.2022 година од 10:00 часот, информираат од Основниот кривичен суд во Скопје.

Расправата се презакажува по барање на надлежниот Јавен обвинител и еден од бранителите во постапката поради службени обврски, па заради економичност на постапката странките се веќе известени за новите термини, се вели во соопштението од Основен кривичен суд Скопје.

Во „Титаник” обвинети се поранешниот премиер Никола Груевски, Кирил Божиновски, Миле Јанакиески, Гордана Јанкулоска, Билјана Бришкоска Бошковски, како и Илија Димовски, Мунир Пепиќ, Едмонд Темелко, Леко Ристовски, Кирил Тодоровски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашајковска.

Тие се осомничени за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за за финансирање изборна кампања.