СДСМ уште еднаш потврди дека се срами од името Република Македонија и се што е македонски. На настанот во Македонската Филхармонија, каде концерт имаа оркестрите на армиите на САД, Велика Британија, Словенија, Грција и Македонија, повторно отсуствуваа државните симболи. На македонските парадни униформи го немаше државното име Македонија,стои во соопштението на ВМРО- ДПМНЕ.
Воените оркестри на другите држави кои настапуваа заедно со македонскиот, гордо го носеа името на своите држави на своите униформи, само македонскиот воен оркестар не.
Ова е уште еден голем срам за македонската држава и народ, уште едно понижување сервирано од Заев и неговата опачина Пендаровски, од министерката за одбрана Радмила Шекеринска и СДСМ.Власта веќе втор ден молчи кога и дали воопшто е сменета Уредбата за единствен знак за припадност на Армијата на Република Македонија? Доколку не е сменета, ќе дојде ден кога ќе одговараат за нејзиното кршење вчера,посочуваат од ВМРО.
Од таму додаваат дека власта не бира кој закон ќе го прекрши, и дека со ваквиот чин најверојатно имале единствена цел на граѓаните и на државата да им сервираат уште едно посрамотување и понижување. “СДСМ ја обесчести Армијата на Република Македонија” велат од ВМРО.
Во соопштението стои дека Република Македонија не можат да ја водат луѓе како Стево Пендаровски и Зоран Заев кои се двете страни на истата паричка.
На чело на Македонија не можат да застанат луѓе кои се срамат и не почитуваат се што е македонско, нашето име, јазик, идентитет, култура, историја и државни симболи. На Македонија и е потребна претседателка како Гордана Сиљановска Давкова, честита, горда и достоинствена, мајка на нацијата. На Македонија не и е потребен очув како Стево Пендаровски,порачаа од ВМРО.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.