За цел демократски свет Република Северна Македонија е успешна приказна. Само ВМРО-ДПММНЕ, партијата симбол на криминал и корупција која земјава ја држеше 11 години во заложништво, навива да не добиеме датум за преговори со ЕУ и сонува за враќање во изолиција,стои во соопштението на СДСМ.

Од владејачката партија додаваат дека лидери од Европа нижат пофалби и охрабрување за напредокот, Република Северна Македонија и ја посочиваат за пример во решавањата на отворените прашања и упатуваат честитки за лидерството.

Дури и еврокомесарот Хан, посочувајќи го напредокот, рече дека земјава направи многу и додаде дека е единствена во регионот без конфликт со ниту еден сосед.Поддршка за интегрирање  на земјава во НАТО алијансата и Европската унија доаѓаат од сите страни.Веќе 13 држави го ратификуваа Протоколот за членство на Северна Македонија во НАТО.Само поразената ВМРО ДПМНЕ останува осамена да навива за недобивање на датум за почеток на преговори, да урла против напредокот на земјава.

Во соопштението на СДСМ стои дека наместо лицемерно да зборува за правда ВМРО-ДПМНЕ треба да го поддржи продолжувањето со работа на СЈО и да побара расчистување на криминалот на ВМРО-ДПМНЕ и режимот на Никола Груевски, кој се уште го брани.

Без разлика на навивањето на ВМРО-ДПМНЕ, Република Северна Македонија продолжува напред, кон членство во НАТО и ЕУ.