Денеска околу 9 часот и 30 минути, вработен во електродистрибутивната компанија ЕВН загина откако паднал од далновод во близина на тетовското село Џепчиште.

-Во СВР Тетово околу 9.30 часот вработен во ЕВН пријавил дека неговиот колега Д.С (43) вршејќи интервенција односно отстранување на дефект на далновод паднал и починал. Повикана е итна медицинска помош која констатирала смрт, информира Марјан Јосифоски, портпарол на СВР Тетово.
Во тек е увид кој го започнаа да го вршат јавен обвинител и службите на СВР Тетово. 

ЕВН АД Скопје е енергетска компанија која на македонскиот пазар е активна од 2006 година. Дел е од ЕВН АГ Групацијата, водечки европски бренд за услуги во доменот на енергијата и животната средина.

ЕВН во изминатите години инвестираше над 360 милиони евра во подобрување на севкупниот квалитет на дистрибуцијата и снабдувањето со електрична енергија, како и корисничките услуги.