Започна протестот на ВМРО ДПМНЕ, кој го предводи лидерот на партијата Христијан Мицкоски.

Мицкоски од говорницата вели дека ова што се случува во Македонија е мафија, кое како свое царство го негува хибридниот режим на Заев.

Тој исто така посочи дека кога ќе дојде на власт на 12 април, никогаш нема да се меша во судската власт како што тоа досега го правел Заев.

Мицкоски говорот го започна со поздрав до припадницитена МВР. Тој нагласи дека аудио материјалот докажува и покажува мафија. Мафија која владее со секоја пора власт која треба да е независна, а не е!

„Мафија која три години е сојузник со криминалот кој останува неказнет. Мафија која ослободува убијци на мали деца додека премиерот си прави селфи со убијците, додека родителите на чедата од Смилковско езеро со грч и горчина во срцата од неправдите живеат со помислата дека убијците се на слобода.

Мафија која диктира обвиненија, диктира пресуди на судии. Мафија која како свое царство го негува хибридниот режим на Заев“, рече Мицкоски.