Нов скандал ја тресе власта откако вчера во јавноста излезе веста дека утрината директорот на Службата за општи и заеднички работи во Владата, Пеце Мирчевски, заминал заедно со четири жени, вработени во истата служба, со владиниот авион „Лирџет“ на шетање во Љубљана, објави  „Нетпрес“ од вработени во Службата.

Како што објави порталот тие вчера рано изутрина заминале на скопскиот аеродром со службено возило Пасат и до попладневните часови не се вратиле на своите работни места, пишува Нетпрес.

„Нетпрес“ доби официјална потврда од М-НАВ дека Лирџетот полетал од скопскиот аеродром за Љубљана во 10.08 часот утрово.

„Како може владин авион да се користи за приватни потреби, шетање, шопинг и ручек во Љубљана. По кој основ ?“, прашуваат вработените.

На вчерашниот шопинг во Љубљана со директорот Пеце Мирчевски заминале неговата секретарка, шефицата на човечки ресурси и шефицата на јавни набавки, сите вработени со договор на дело., пишува Нетпрес

Како може некој ова да си го дозволува, а некој да умира за лекови и за операции. А, нас тука на работните места да ни се одмаздуваат и тортури да ни вршат истите тие ?“, велат револтирано вработени во СОЗР за Нетпрес..