Денес, околу 16 часот, се очекува да заврши вториот ден од испитувањето на лидерот на ДУИ Али Ахмети со специјалните обвинители во Приштина, после тоа Ахмети ќе се врати во Македонија, изјави Артан Груби за ТВ21.

И косовските но и неколку меѓународни медиуми претходно објавија дека Ахмети е повикан од Меѓународниот суд, чие седиште е во Хаг, во својство на сведок, како еден од членовите на Ослободителната војска на Косово (ОВК) уште од нејзиното основање и активен учесник во косовската војна во 1998-99 година.

Специјализираните комори за Косово, кој во косовската јавност е познат како „Суд за ОВК“, го водат меѓународни обвинители и судии.

За потсетување, првиот распит на Ахмети траеше нешто повеќе од осум часа, однсоно започна вчера во 9.30 и траеше до 18 часот, кога тој го напушти седиштето на ЕУЛЕКС, при што не даде изјава за медиумите.