Сега, Гордана Сиљановска вели дека во нејзиниот мандат ќе станеме членка на НАТО и дека е добро што членуваме во Алијансата, пишува пратеникот Павле Богоевски на својот Фејсбук профил.
Професорке, под кое име ќе станеме членка на најмоќниот воено-политички сојуз во светот? Под името кое не сакате да го изговорите, истото тоа име кое од Охрид ветивте дека ќе го промените повторно? Како резултат на што е добро што сме членка на НАТО? Како резултат на „предавничкиот и антимакедонски договор со Грција“ чие референдумско изјаснување го бојкотиравте и чиј легитимитет се’ уште го оспорувате?
Целата кампања во првиот круг, Гордана Сиљановска ја водеше врз основа на реториката дека Договорот од Преспа е злосторство врз македонскиот народ за кое е потребна правда што може да ја донесе само нејзиното претседателство.
Сега, кога и’ се потребни гласовите на Албанците, таа ги воспева целите поради кои го склучивме „предавничкиот“ договор. Токму тоа е проблемот, друштво. Целата кампања на Професорката е контрадикторна и полна со лажен и селективен патриотизам. Исто како и партијата која ја претставува.
Како што тргнала работава, не би ме изненадило до 5ти мај да го признае и Договорот од Преспа. Граѓаните се доволно паметни да го казнат тој кој греши, но и да ги препознаат празните флоскули и умилкувања.
Продолжуваме, ЗаедноНапред!, пишува Богоевски.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.