На денешната Трибина на тема „Вакцинација и предизвици со Ковид-19“ на која учествуваше министерот Филипче заедно со претседателката на Комитетот за имунизација проф. д-р Александра Грозданова, проф. д-р Драган Даниловски епидемиолог и д-р Александар Петличковски од Институтот за имунобиологија и хумана генетика, ги разгледаа сите аспекти во врска со вирусот Ковид-19, моменталната состојба, вакцините и колективниот имунитет кој очекуваме да го стекнеме во периодот што следува. Кон средината на месец јули ќе започне теренската вакцинација, со што целта е да се опфати поголем број на граѓани како и оние во руралните и непристапни средини.

Иако во моментов епидемиолошката состојба е стабилна и е сеуште непознато зошто во некои земји се појавува бран на новодијагностицирани со новиот делта вирус, предвидувањата се дека доколку продолжи тренд на два репродуктивни циклуси од по 14 дена без новодијагностицирани случаи, кај нас ќе може да се утврди крај на пандемијата.

Во надеж сме дека ова може да се случи кон крајот на месец август или почеток на септември, рече тој!