ВМРО – ДПМНЕ во наредните денови ќе каже дали ќе го бојкотира референдумот. Според генералниот секретар – Игор Јанушев – партиските органи ќе донесат Одлука како ќе се позиционираат во однос на референдумот закажан за 30-ти септември 2018 година.
Јанушев го повтори ставот дека не се согласуваат со референдумското прашање и дека тоа е двосмислено.
“Власта одлучи да распише референдум за договорот со Грција без да го послуша размислувањето на 455.000 граѓани на Република Македонија кои се претставени од ВМРО – ДПМНЕ и Коалицијата. Заев насила турка двосмислено прашање за исполнување на грчките црвени линии. Да беше убеден дека е заштитен идентитетот – Заев немаше да манипулира со двосмислено прашање спротивно на законот за референдум и Уставот. Требаше прашањето да биде само за Договорот со Грција. Вака се прикрива со ЕУ и НАТО.”
“ВМРО-ДПМНЕ е демократска партија – секој има право на мислење а официјалните ставови ги соопштуваме официјално.” – рече Јанушев одговарајќи на прашање дали повикот за бојкот на пратеникот Антониjо Милошоски е став на партијата.
Тој додаде дека е срамно референдумот да се поистоветува со оној од 1991 година бидејќи тогаш имало консензус. Јанушев истакна дека ако не успее референдумот – граѓаните ќе очекуваат оставка од Заев како што вети а не да се префрли одлуката на институциите.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.