Откриен скандал во болницата во Велес каде на оглас, најквалификуваната медицинска сестра отпаѓа, а работа добива последната на листата, што е индиција за класично партиско вработување.

Во последниот период се поактуелни се вработувањата во јавните здравствени установи, како и покачувањето на платите.

Меѓу другото, надлежните наведуваат дека целта е медицинските кадри да се задржат во здравствените установи во земјава, односно да не заминуваат од Македонија.

На оглас за вработување на медицински сестри во болницата во Велес се констатира злоупотреба ако се погледне листата на кандидати, како и одлуката за вработување.

Имено листата на која се рангирани кандидатите, прво рангираната кандидатка не е примена,  а последната е примена, иако има многу помалку бодови од првата на листата.

Имено кандидатката Маргица Урумова по ранг листата од 30 пријавени има вкупно 83.50 бодови, како и сите кандидати има ССС или средна стручна спрема и во сите три графи за бодување води според нормите.

Кандидатката Цвета Панова има само 46.5 бодови што е скоро за 50 отсто помалку од прворангираната, но сепак го добива работното место.

Работно место добиваат и трето и четврто рангираните, како и кандидатките под рангирани како 5-та, 11-та, 15-та, 19-та, 20-та, 21-ва и 28-ма.

Упатените коментираат дека без разлика на квалификацииите според системот за бодирање, очигледно дека некои други параметри и квалитети се земаат во предвид при вработување. Не е јасно како не е вработена ни второ рангираната кандидатка.

Вакви случаи на вработување неодамна имаше и во болниците во Охрид и во Кичево.