Град Скопје апелира сите правни лица (сопственици) на јавни објекти да го исчистат снегот сами пред своите објекти.

Комуналните редари и инспектори на Град Скопје вчера беа излезени на терен, каде доставуваа известувања до сите сопственици и корисници на деловни простори и индивидуални станбени објекти, дека согласно Законот за јавна чистота се задолжени да го исчистат снегот сами, пред нивните објекти.

Ако не ги почитуваат правилата мора да се постапи по Законот за јавна чистота член 37 кој гласи “Глоба во износ од 1.000 евра во денарска противвредност ќе му се изрече на правното лице сопственик, односно корисник на јавен објект ако не го исчисти снегот од отворениот простор пред јавниот објект”.