Организацискиот секретар на ДУИ Артан Груби денеска на прес-конференција во Собранието ја искажа одговорноста, за не изгласувањето на одлуката за симнување на пратеничкиот имунитет на Трајко Вељаноски.

Артан Груби организациониот секретар на ДУИ, изјави дека неговата партија го поддржува владеењето на правото без партиски, политички, етнички и какви било други влијанија.

Тој рече дека на синоќешната седница во определеното време сите пратеници на ДУИ беа присутни на седницата од претседателот Ахмети до болниот пратеник Агим Шаќири за да се гласа за одземање на имунитетот. Кажа дека пратениците не можеле да се воздржат од нафрлувања и големи навреди кон претседателот на собранието, баш во тој момент кога се гласаше.

Груби изјави дека по носењето крупни одлуки како промена на името и заокружувањето на Охридскиот договор, владеачката коалиција ќе продолжи да функционира и дека заедно ќе ги направат реформите за да се добие датум за почетокот на пристапните преговори со ЕУ.

За жал, на седницата пратениците не можеа да се воздржат од дофрлувања и навреди кон претседателот на Собранието во моментот на гласање.

Ништо од тоа што се случи, немаше да се случи, доколку претседателот на Комисијата за деловнички и мандатно-имунитетни прашања ја ставеше одлуката на гласање во 23 часот како што бевме претходно договорени, доколку тој не се договараше со ВМРО-ДПМНЕ, исклучувајќи ја ДУИ и да ја стави во заеднички договор со нив одлуката за гласање во 21 часот, без да не информира и без да не почека, истакна Груби.

Немаше ништо да се случи, доколку дел од пратениците не станаа и со навредливи зборови, пцовки и фрлаа пенкала кон спикерот Џафери.