Премиерот Зоран Заев, министерот за информатичко општество и администрација Дамјан Манчевски и претседателот на Националниот совет за ИКТ во Владата Владимир Цветковиќ денеска се сретнаа со генералната менаџерка на Мајкрософт за 24 држави од Централна и Источна Европа Анке ден Ауден.

Владината прес-служба соопшти дека на состанокот, беше заклучено дека соработката со оваа светски позната ИТ компанија ќе се продлабочува и во таа насока Мајкрософт до сега претставува најсериозен партнер на Република Македонија,посебно во процесите на дигитална трансформација и обезбедување на сајбер безбедност. 

– Со нашето зачленување во НАТО се зголемува потребата, но и наша обврска е да работиме на зголемување на безбедноста и сигурноста на сајбер просторот. Во тој процес исклучително важна е помошта што Мајкрософт како водечка ИТ компанија во светски рамки може да и ја пружи на Република Македонија, порача премиерот Заев.

 Целта е да се поттикне креативноста на младите луѓе да создаваат, да ги препознаат новите перспективи што се отвораат со членството на земјата во НАТО и да почувствуваат сигурност од државата и мотив да останат, живеат и работат во Република Македонија, се вели во соопштението од Владата.