Ако се утврди моја вина ќе сносам одговорност, во телефонски разговор ни посочи заменик-министерот за култура Владимир Лазовски, по денешната сообраќајната незгода помеѓу неговото службено возило пежо и моторциклист.

Тој на барање на ТВ24 потврдил за инцидентот кој што денес попладнево се случи на крстосницата кај Собранието и Градска болница „Наум Охридски“ и рекол дека за среќа возачот на моторот поминал со полесни повреди и дека по укажаниот преглед во Градската болница е пуштен на домашно лекување. Неофицијално и според фотографиите кој ги објавија дел од медиумите, Лазовски додека вртел полукружно на две полни ленти во неговиот автомобил удрил моторциклист. Тој меѓувреме се оглси и на неговиот фејсбук профил

„Најважно од сé е што мотоциклистот и јас сме добри. Цело време бев со него, пуштен е од болница, добро се чувствува. Јас немам повреди. Надлежните органи извршија увид и доколку се утврди моја вина ќе сносам одговорност.“ – напиша Лазовски на фејсбук.

Од Министерството за внатрешни работи кои потдврија дека имало сообраќаен инцидент меѓу возило пежо и мотоциклист, најавија и детали за сообраќанјата незгода по завршување на увидот.

Од министерство за здравство не информираа дека и двајцата учесници во сообраќајната несреќа поминале со полесни повреди. Заменик министерот за култура Владимир Лазовски пред да стапи на оваа функција работеше како актер во Театарот за деца и младинци. Минатата година актерот Драган Спасов-Дац си поднесе оставка од функцијата директор на Македонскиот народен театар, по сообраќајната незгода во која што возејќи под дејство на алкохол удри во пешак.