Албин Курти, лидерот на движењето Самоопределување, беше избран вчера за премиер во Косово, со 67 гласа „за“ и 30 гласа „против“. На седницата во собранието присутни беа 107 од 120 пратеници.

Курти порача дека веднаш штом ќе ја преземе функцијата ќе ги разгледа документите и ќе утврди каде екс-премиерот Авдулах Хоти го оставал процесот на дијалог.

Морам да имам увид во тие документи затоа што не знам каде господинот Хоти го оставил процесот на оваа тема. Бидејќи минатиот пат кога влегов во канцеларијата папките беа празни. Треба да се подготвиме добро за дијалог и затоа не сум за да се избрза во овој процес. Подобро е да бидеме поскромни и пореални отколку да кажуваме големи и зборови. Немаме простор за идни неуспеси – рече Курти.

 Новиот состав на Собранието на Косово, кој призлезе од вонредните парламентарни избори одржани на 14 февруари, го избра вчера, со 69 гласа „за“, 33 „против“ и ниеден „воздржан“, Глаук Коњуфца за нов собраниски спикер!