Екс претседателот на Република Македонија, кој цели десет години беше на оваа функција, вчера ги предаде клучевите од Вила Водно на новоизбраниот претседател Стево Пендаровски.
Ккао што веќе претходно објавивме, за Иванов се изнајмени простории во комплексот висококатници „Џевахир скај сити“ кои всушност ќе бидат канцеларии на поранешниот претседател Ѓорге Иванов, соопштија од компанијата Турмак АД – Подружница Скопје.
Компанијата Турмак АД – Подружница Скопје и Службата за општи и заеднички работи на Република Северна Македонија склучиле договор за закуп и користење на опремен службен простор за потребите на Кабинетот на поранешниот претседател на државата, Ѓорѓе Иванов.
-Договорот е склучен во времетраење од една година и е во сопственост на компанијата Турмак. Според договорот, месечниот закуп за 274 м2 деловен простор изнесува 1950 евра, наведуваат од компанијата.
Во видеото кое беше изработено од „360 stepeni“ се вели дека Иванов самиот одбрал неговиот деловен простор да биде во висококатниците.
Деновите од пензијата, Ѓорѓе Иванов ќе ги поминува во „Џевахир“ во скопската населба Аеродром. Како што стои во видеото новите канцеларии на Иванов ќе бидат на 22 и 38 кат во една од висококатниците.
Инаку токму претседателот Иванов во 2012 година заедно со поранешниот претседател на Турција, Ѓул, беа кумови на свадбата на Есер Џевахир.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.