Косовското обвинителство издаде 63 потерници за апсење за осомничени за воени злосторства но во случаите биле вклучени само двајца специјални обвинители од кои едниот бил Елез Блакај специјалниот обвинител кој пред неколку дена поднесе оставка рече државниот обвинител на Косово Александар Љумези.

Тој  додава дека не е запознат со тоа кога Специјалното обвинителство во Хаг би требало да ги поднесе првите обвиненија бидејќи истражната постапка се уште е во тек.

Љумези неодамна потврди дека Блакај поднел оставка поради закани наводно поради истрагата за имамот од приштинската џамија Шефкет Красниќи а во последно време и поради истрагата околу манипулација на листите на ветераните на таканаречената Ослободителна војска на Косово [ ОВК ].

Според Љумези постојат 19.000 лица кои нелегално добија статус на воени ветерани и кои имаат привилегии.

Тој рече дека Блакај поднесе оставка откако го подготвил обвинението против поединци вклучени во случајот и ги испрати до Специјалното обвинителство за понатамошно разгледување.