Слободата на говорот е загарантирано уставно право и ги охрабрувам новинарите да поставуваат што е можно повеќе прашања на различни теми, а ние како јавни личности треба да наоѓаме соодветен начин да одговориме, порача лидерот на ВМРО-ДПМНE Христијан Мицкоски,коментирајќи ја вчерашната нервозна реакција на вицепремиерот Битиќи, кој незадоволен од прашањето луто ја напушти прес конференцијата, пишува Алфа!

Постапката на Битиќи за Мицкоски е без преседанс, а неговото однесување го отцени  како некултурно и дрско, кое говори за карактерот на човекот кој е платен со народни пари.  

Ценам дека СДСМ треба да се огради од оваа постапка на Фатмир Битиќи којашто преставува лош гест и лоша пракса како треба политичарите да се однесуваат. Ако е нервозен, фрустиран има други установи каде што треба да побара помош. На ваков начин не треба да се однесуваат политичарите , во каква и да е психофизичка состојба се наогаат. И ментално би рекол . Ако Ковачевски не го разреши и не побара одговорност од раководството на СДСМ за оваа постапка на Битиќи, тој ќе потврди дека е обичен измеќар на некој други интереси и покрај тоа што нема политички интегритет, тој нема и човечки  авторитет“ изјави Христијан Мицкоски.

Нервозата власта почна да истура и врз новинарите свесни дека ќе доживејат дебакл на изборите. Мицкоски потенцираше дека тие како ВМРО-ДПМНЕ прифаќаат да се договори датум за избори во Собрание и од Ковачевски штом се плаши и бега, побара да именува луѓе кои ќе бидат подготвени да разговараат за датумите за одржување на пресдателските и парламентарни избори нека именува луѓе кои се подготвени да преговараат .

  “Ќе повторам за неколку месеци од денеска имаме два клучни процеси за иднината на Македонија, а тоа се претседателски и парламентарни избори. Ние само сакаме да помогнеме и да додаме вредност во процесот за да има предвидливост и да се знае кога почнува нештотпо и кога завршува.Во ред, го разбирам бега човекот, исплашен е, кукавица е. Тој некој којшто е похрабар нека го именува и нека седна со тимот на ВМРО-ДПМНЕ. Било каде да сака, во Парламент не важно само да ги договорат работите“изјави Христијан Мицкоски.

При денешната посета на Штип која е во рамки на кампањата “Важно е! Од тебе зависат промените“ свечено беше пуштен во употреба новиот мост на река Отиња, а Мицкоски се сретна и со дел од  медицинскиот кадар во штипската болница кои му се пожалија за лошите услови за работа. Мицкоски им вети дека изградбата на новата болница ќе биде приоритет на иодната влада на Вмро -Дпмне.