Во следните четири години ќе се фокусираме на реализација на капитални инвестиции насочени кон оние инфраструктурни и енергетски проекти што ќе бидат во функција на бизнис-секторот и капитални проекти кои ќе бидат насочени кон подобрување на општите услови за живот на македонските граѓани, порача од Гевгелија, лидерот на ВМРО-ДПМНЕ, Христијан Мицкоски!

Тој рече дека примарна цел и приоритет на следната Влада предводена од ВМРО-ДПМНЕ е обезбедување на ефикасни јавни финансии преку зајакнување на капацитетот на даночната администрација, ниски даноци, консолидација на јавниот долг и зголемување на ефикасноста во реализацијата на јавните расходи.

Во програмата Обнова се обврзуваме на:

640 милиони евра само за субвенции, 80 милиони евра за изградба на нови системи за наводнување, 50% финансирање за набавка на нови грла овци и друг вид добиток, покривање на 70% од осигурувањето на земјоделските посеви и насади, намалување на ДДВ за ветеринарни услуги, истакна Мицкоски!

Тој вели дека обврската на ВМРО ДПМНЕ ќе биде континуирано зголемување на бројот на туристи во земјата преку градење на нов модел за развој на туризмот и креирање на нови туристички понуди и форми на туризам, јакнење на маркетинг капацитети со цел промоција на земјата како атрактивна туристичка дестинација со богати туристички содржини и зајакнување на човечките ресурси во секторот туризам и угостителство.