Американскиот алигатор Муја кој пристигнал во Зоолошката градина во Белград пред почетокот на Втората светска војна се смета за најстариот алигатор во светот кој живее во “заробеништво”.

Муја има над 80 години но се уште има добар апетит и добро здравје.

Генерации на посетители на Зоолошката градина и понатаму доаѓаат да го гледаат алигаторот иако тој веќе не се движи многу освен за време на хранењето кога јаде глодари или птици.

Досега Муја имал само еден посериозен здравствен проблем кога поради гангрена во 2012 година му бил ампутиран дел од предната десна нога.

“Тој е во добра состојба и здрав се храни добро и се надеваме дека така ќе остане уште многу години.” – истакна директорот на Зоолошката градина Србољуб Алексиќ.

Муја во Белград пристигнал од Германија во август 1937-ма година и тогаш имал само две години а за време на Втората светска војна ги преживеал бомбардирањата во 1941-ва и во 1945-та година но и она на НАТО од 1999-та година.