Пред половина час се случи тешка сообраќајна несреќа на скопската обиколница.

Повредени се жена и две деца во несреќата која се случи пред половина час, на скопската обиколница. Автомобилот излетал и со голема брзина се превртил на кров.

Повредените со итна медицински возила се пренесени во градската болница во Скопје. Фотографиите се добиени од гледач на 1ТВ кој ги испратил до редакција.

Полицијата во моментов врши увид на настанот. Во текот на денот ќе добиеме подетални информации за случајот.

Во текот на изминатите четири дена во Скопје се случиле 36 сообраќајни незгоди, во кои со тешки повреди се здобиле три, а со полесни повреди две лица.

Од сообраќајот биле исклучени 18 автомобили кои не биле регистрирани за сообраќај.
Според информациите кои ги објави СВР Скопје, со голeма брзина од дозволената со сообраќаен знак се движеле 22 возачи.

За не прописно и недозволено паркирање биле издадени 61 казни.