Израелскиот премиер Бенјамин Нетанјаху за време на говорот во Обединетите нации покажа наводни докази за постоење таен ирански објект за складирање нуклеарно оружје.

Нетанјаху од говорницата покажа мапи и фотографии на наводен таен атомски магацин во областа Туркузабад, близу Техеран.

Тој обвини дека објектот се користи за чување огромни количества опрема и материјали од иранската тајна програма за оружје.

Нетанјаху во исто време ги обвини и европските држави дека се попустливи за Иран поради обидите за враќање на трговијата со таа земја и покрај неговите нуклеарни активности.

За сега, нема реакција од Техеран, кој вообичаено одрекува дека развива нуклеарно оружје.