Во Македонија илегалната миграција “цвета”, мигранти каде и колку сакате, помагателите профитираат.

Во периодот од 18-ти септември до синоќа, од страна на полициски службеници во Полициската станица за граничен надзор “Сопот”, на самата гранична линија на потегот од Миратовачки пат кај село Лојане до автопатот спречен е обид за илегален влез во Република Македонија од правец на Република Србија на 121 лице мигранти во тринаесет случаи.

Од нив 112 биле од Иран, шест од Авганистан и три лица од Индија, информираат од МВР.

Додека вчера околу 16:00 часот од страна на патрола од Полициската станица за граничен надзор “Богородица” забележана била поголема група на лица кои се движеле од брана Паљурци кон сeло Фурка.

На дадена наредба од страна на униформирани полициски службеници да застанат, непознатото лице кое било на чело на групата се дало во бегство, а групата од 37 лица (мигранти) е сопрена. Во ПС Богородица се приведени 37 мигранти за понатамошна постапка, велат од МВР.