Со давањето на свечената изјава во Собранието, Стево Пендаровски и официјално стана петти претседател на Република Македонија.

На инаугурацијата на ново избраниот претседател Стево Пендаровски присуствуваа синот и сопругата на Пендаровски, Елизабета Пендаровска, исто така последниот претседател Ѓорѓи Иванов, поранешниот претседател Бранко Црвенковски, како и сопругата на покојниот претседател Борис Трајковски, Вилма Трајковска.

Во собранието беа присутни српскиот претседател Александар Вучиќ, албанскиот претседател Илир Мета и косовскиот претседател Хашим Тачи, министерот за надворешни работи на Црна Гора Срѓан Дармановиќ, Министрите во Владата, началникот на ГШ на АРМ, гувернерската на Народна банка, поглаварите на верските заедници, претставници на судската власт, на МАНУ, како и гостите, бугарскиот претседател Румен Радев, грчкиот министер за надворешни работи Георгиос Катроугалос, заменик министерот за надворешни работи на Полска Мациеј Ланг, турскиот заменик министер за надворешни работи Фарук Кајмакчи и висок претставник на кабинетот на претседателот на Словенија Борут Пахор.

Инаугурација се одржуваше во рамки 96. собраниска седница, а започна со интонирање на македонската химна.