По празнувањето на Курбан Бајрам министрите во среда повторно ќе заседаваат во Владата. Министерот Оливер Спасовски се очекува да го достави и новиот предлог за директор на БЈБ. Официјалното кадровско решение останува тајна за јавноста до последен момент. 

Функционер од МВР тврди дека се прават интензивни партиско полициски консултации со цел да се избере прв човек на Бирото. Тој мора да биде професионалец без политички багаж и партиски влијанија порачува поранешниот министер за внатрешни Павле Трајанов.

“Сега не ни треба политичка фигура на која ке и требаат година или две да го научи системот и работата. Сум за тоа да се најде некој од редот на професионалците но да се избере без политичко влијание чист професионалец без да потпаѓа под влијание.” – вели Павле Трајанов поранешен министер за внатрешни работи на Македонија.

Новиот шеф на БЈБ ќе начека стабилна безбедносна состојба но пред него претстои месец со можни турбуленции вели Трајанов. Прв предизвик е мирен референдум но понатаму треба да се отвори војна со корупцијата и да ја штити стабилноста на граѓаните. Директорувањето во бирото за јавна безбедност е една од трите клучни функции во министерството. Под негова команда се 6 сектори криминалистичка полиција и разузнаваање за гранични работи.

“Моментално е стабилна но полeка состојба полека заврива можно е да има посериозни турбуленции во септември со кампањата за референдумот можно е да се вмешаат странски елементи внатрешни структури кои сакаат да го попречат интегрирањето во ЕУ сите тие работи БЈБ и УБК мора навреме да ги следат и да попречат било каква дестабилизација на државата. Ќе има задача да одржува стабилен јавниот ред и мир да се бори против тешките форми на криминалот – тероризмот – против загрозување на основните човекови права и слободи против напливот на илегално преминување на границата.” – вели Трајанов.

Привремено за јавната безбедност се грижи заменикот во БЈБ Бесим Деари кој го носи прекарот “вечниот” затоа што како кадар на ДУИ на таа функција е 16 години поточно од неговото прво именување во 2002 година.

Иако Велковски беше разрешен на владина седница пред шест дена неговата фотографија се уште е закачена на директорската позиција. Како можни наследници се вртат повеќе имиња а меѓу најсериозните кандидати се споменува сегашниот прв човек на СВР Скопје, Тони Јакимовски. Како луѓе од доверба на министерот кои би можеле да го водат БЈБ  се споменува и Сашо Тасевски сегашниот началник во 6-та Управа.  Тасевски целиот работен век го поминал како полицаец а неговата лојалност ја докажа и на 27-ми април кога го штитеше врвот на партијата во Собранието. Промените во БЈБ доаѓаат по скандалот со полицискиот џип Ренџ Ровер со кој во Грција се превезувала ќерката на Велковски.