Тешка сообраќајна несреќа се случи вчера на автопатот А-1 кај Хамбург, Германија во кој како што јавуваат Германските медиуми во несреќата учествувал државјанин на Србија.

Вчера во попладневните часови на автопатот А-1 кај Хамбург, Германија, српски државјанин Бобан.К (29) предизвика тешка сообраќајна несреќа, кога со автомобил марка БМВ со брзина од 180 километри на час се удрил во автомобил”Форд„ и усмрти едно лице, додека уште двајца патници се тешко повредени.

Од силниот удар возачот на автомобилот „Форд” загинал на лице место, а додека пак двајцата патници кои се наоѓале во неговиот автомобил, тешко се повредени. Веднаш по несреќата патниците биле пренесени во најблиската болница во Хамбург.

Германските медиуми јавуваат дека сударот бил толку јак, така што автомобилот марка „Форд„ летнал дури 180 метри подалеку од несреќата и се превртел на покрив.

Српскиот државјанин Бобан.К веднаш е уапсен и приведен во полициската станица во Хамбург. На возачот кој ја предизвикал несреќата му се измерени 0,4 промили алкохол во крвта, а неговиот автомобил застанал дури после 150 метри од местото од несреќата.