Полицијата синоќа од два угостителски објекти во Гостиварско и Тетовско привела 24 странски државјанки и два сопственици на локали.

Според СВР Тетово – синоќа и изутрината полициски службеници извршиле акциска контрола во угостителски објект – лоциран на регионалниот пат Тетово – Фалише а сопственост на А.З. [ 50 ] од Тетово.

Во објектот биле затекнати 16 странски државјанки кои работеле како танчерки и пејачки. Од нив 14 биле од Република Албанија – една од Република Србија и една од Република Косово а кои биле на возраст од 18 години до 33 години.

Странските државјанки како и сопственикот А.З. биле приведени во полициската станица во Тетово за понатамошна постапка.

Во истиот период од 23:00 до 03:00 часот контрола била извршена и во  угостителски објект во селото Чегране [ Гостиварско ] сопственост на А.Д. [ 51 ]. Во објектот биле затекнати шест женски лица. Пет од нив биле македонски и една албанска државјанка. И за нив е утврдено дека работеле како пејачки и танчерки. По акцијата заедно со сопственикот биле приведени во полициска станица за понатамошна постапка.