ПРЕЗЕНТАЦИЈА НА РЕЗУЛТАТИТЕ ОД КОНКУРСОТ „НОВИ СУВЕНИРИ ЗА СТАРАТА СКОПСКА ЧАРШИЈА“ УТРЕ ВО МСУ!

На платото пред Музеј на современа уметност утре (13.10.2020) со почеток во 11 часот ќе се одржи презентација на резултатите од К О Н К У Р С О Т за откуп на идејно-обликовни решенија за изработка на прототип на сувенири за Старата скопска чаршија.

Конкурсот е реализиран во склоп на иницијативата „Нови сувенири за Старата скопска чаршија“, која се спроведува како дел од ROCK проектот што е дел од програмата Horizon 2020 и се реализира со финансиска поддршка од Европската унија.

Иницијативата „Нови сувенири за Старата скопска чаршија“ има за цел ја зголеми свесноста за значењето на оваа културно-историска целина во градот Скопје и да ги промовира нејзините вредности. Понудените решенија требa да ги истакнат вредностите на културното наследство, старите занаети и да претставуваат одраз на традицијата и културните, историските, материјалните и духовните вредности на Старата скопска чаршија како заштитена културна целина од особено значење со богато културно-историско наследство. Истовремено, целта e да се овозможи идентификација, промоција и вклучување на креативниот дизајнерски потенцијал со цел истиот да даде свој директен придонес во креирањето на модерни и во духот на времето сувенири.

Kреирањето на сувенирите во современите туристички понуди, веќе не е само во рацете на стихијната креација на занаетчиите и ракотворците, туку сè повеќе е резултат на јасно дефинирани дизјнерски и маркетинг активности кои го создаваат имиџот, ќе го промовираат и презентираат градот Скопје.