Министерството за внатрешни работи и надлежните институции на Република Македонија во соработка со партнерите од Глобалната коалиција за борба против тероризмот и Сириските Демократски Сили приведоа седум македонски државјани за кои постојат основани сомненија дека како странски терористички борци активно учествувале во војните во Сирија и Ирак.
“Станува збор за македонските државјани С.Р. 1990 – Џ.А. 1993 – Б.Ф. 1994 – О.Ж. 1987 – Е.О. 1994 – И.Ш. 1977 и А.М. 1995 за кои е распишана меѓународна потерница и за кои според Член 322-а и 394-а од Кривичниот законик на Република Македонија се поднесени кривични пријави во рамки на полициските акции “Ќелија 1 [ август 2015 година ] и “Ќелија 2″ [ јули 2016 година ].” – соопшти МВР.
Во рамки на глобалната коалиција за борба против тероризмот Република Македонија продолжува и понатаму со континуирани активности во насока на детектирање – идентификување – неутрализирање и кривично гонење на странски терористички борци.
Република Македонија како една од земјите коja ги прифати резолуциите 2178 [ 2014 година ] и 2396 [ 2017 година ] на Советот за безбедност на Обединетите Нации презеде обврски за кривично гонење на своите државјани кои како странски терористички борци учествувале во кризните боишта во Сирија и Ирак и нивно враќање во матичната земја – почитувајќи го домашното и меѓународното право како и основните човекови права и слободи.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.