За српската телевизија „Тв Пинк“, Еди Рама изјави дека Албанците од Албанија и Албанците од Косово се браќа кои живеат во две различни земји и тие треба да се обединат. Исто така тој посакува да се случи регион без граници меѓу Косово, Албанија, Македонија, Србија и Црна Гора.

– Не сакам да имаме граница со Србија, Косово, Македонија или Црна Гора. Треба да сите да работиме за тоа да се случи – истакнал Рама.

Исто така Рама бил прашан за дијалогот меѓу Србија и Косово, тој јасно и изјавил дека Србија мора да се помири со фактот дека Косово е слободна и независна држава.

Еди Рама е албански политичар, уметник и писател, кој од 2013 е премиер на Република Албанија.

Рама е лидер на Социјалистичката партија на Албанија од 2005. Тој бил министер за култура и спорт во владата на премиерот Фатос Нано (1998–2000), а во три последователни мандати бил и градоначалник на Тирана (2000–2011). На парламентарните избори во 2013, неговата партија остварила победа врз Демократска партија на Албанија на премиерот Сали Бериша. Рама е добитник на наградата за светски граддоначалник во 2004 година, а според Тајмс, тој бил еден од најзначајните европски политичари во 2005.