110 милиони долари помош, одобрија САД, за четири земји од Западен Балкан.

Овие пари ќе бидат наменети за набавка на оружје, како дел од „ERIP“-програмата за замена на борбените системи од Советскиот Сојуз со оружје од западно потекло.

Порталот Балканска безбедносна мрежа, објави дека набавката на борбени возила на Северна Македонија и Хрватска ќе бидат обезбедени делумно од Пентагон кој воедно ќе финансира и за повеќенаменски хеликоптери за Вооружените сили на Босна и Херцеговина и Албанија.

Покрај Северна Македонија, Албанија, Хрватска и БиХ кои имаат добиено 110 милиони долари, со програмата ERIP (European Recapitalization Incentive Program) покрената од страна на Владата на САД во 2017, опфатени се и Грција со 25 милиони и Словачка со 50 милиони долари.

Како што наведува истражувачкиот тим на Балканската безбедносна мрежа,  за ралика од наведените земји, во најдобра ситуација со програмата ERIP е Северна Македонија, која за замена на 22 борбени возила со гасеници (11 БМП-2 и 11 МТ-ЛБ) има добиено 25 милиони долари.

„25-те милиони долари не се доволни за замена, но можно е преку донација на користени „Bredli“ или „M113“ да се направи најнапредната достапна модернизација. Исто така, можно е да се купат нови борбени возила на пешадијата од американско потекло, со што значително ќе се зголемат оперативните способности на Армијата на Северна Македонија“, наведуваат од Балканска безбедносна мрежа.