Во скопската Зоолошка градина за првпат ќе живеат алпаки. Три алпаки и две двогрби камили вчера во Скопје пристигнаа од Чешка и веќе се приспособуваат на новиот дом.

Алпаките се јужноамерикански животни. Живеат на Андите во Чиле, Перу и Боливија и се прилагодени и на високи и на ниски температури.
Тие се вистинска атракција во сите зоолошки градини во светот.

Пристигнатите камили се двогрби, од расата бактриан.

За првпат, Скопје ЗОО постана дом на белоносести коати. Овие преслатки цицачи пристигнаа од Љубљана, а како вид потекнуваат од шумските предели на Централна и Јужна Америка.

Коатите тежат до 4 килограми и со своите опашки многу потсетуваат на ракуните, стои на Фејсбук страницата на Зоолошката градина.