Тажна е сликата во домовите во скопската населба Кисела Вода кои пред два дена беснееше пожар во станбената зграда.
Екипата на Курир беше на лице место, и преку фотографија го долови ужасот кој пожарот го направи.
Непријатна миризба и вода насекаде. Ова е првичната слика која се добива при влез во зградата со број 23 на улицата „Народни херои“ во скопска Кисела Вода, каде во понеделникот избувна голем пожар на 5-тиот кат.
Глетката станува се пострашна со качување по скалите кон погорните катови. Во пожарот целосно изгорени беа три стана, а уништетни и оштетени се повеќе станови од чад и вода. И по два дена станарите од првиот влез на оваа зграда чекаат конкретна помош од надлежните институци.
Градоначалникот на општина Кисела Вода, Филип Темелковски, кој беше присутен за време на пожарот што избувна во стан во зграда спроти спортската сала „Расадник“ изјави дека Општината има посебен фонд за вакви несреќни ситуации и дека граѓаните, доколку аплицираат, ќе добијат финансиска помош.
„Општината има фондови за вакви несреќни ситуации. Ќе ги чекаме извештаите од МВР и пожарникарите и со тие извештаи граѓаните ќе аплицираат за финансиска помош од Општината. Сакам да им се заблагодарам за храброста што пожарникарите ја покажаа денеска“, рече Темелковски.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.