На 14.08.2018 година околу 06.30 часот на крстосницата од патот Новаци-с.Ношпал и патот за с.Будаково се случила сообраќајна незгода помеѓу патничко возило „Фолксваген Пасат“ со битолски регистарски ознаки, управувано од 33 годишно лице од с.Бучин, крушевско и патничко возило „Шевролет Спарк“ со битолски регистарски ознаки, управувано од 69 годишно лице од с.Будаково, општина Могила.

Во незгодата со тешки телесни повреди се здобил возачот на шевролетот. Тој бил пренесен во Клиничката болница Битола и по укажаната помош бил задржан на лекување и се наоѓа во животна опасност.

Увид на местото на настанот извршила екипа од СВР Битола.